काठमाडौँ । नेकपा (एमाले) का नेता भीम रावलले नेपाल शक्ति राष्ट्रको संघर्षको थलो बन्ने संकेत देखिएको बताउनुभएको छ ।
उहाँले ट्विट गर्दै एमसीसी सम्झौता अनुमोदनपछि अमेरिकी नेता र अधिकारीहरुको नेपाल भ्रमणमा लर्को लागेको भन्दै अहिले तिब्बत मामिला हेर्ने संयोजक उज्रा जिया नेपाल आउने बताउनुभएको छ ।
एमसीसी अनुमोदनको परिणामले नेपालको स्वतन्त्र परराष्ट्र नीति सकिएको हो त भनी उहाँले प्रश्न गर्नुभएको छ ।
नेता रावलले ट्विटमा भन्नुभएको छ, “एमसीसी सम्झौता अनुमोदनपछि अमेरिकी नेता र अधिकारीहरुको नेपाल भ्रमणमा लर्को लागेको छ।अब तिब्बत मामिला हेर्ने संयोजक उज्रा जिया आउने रे। यो नेपाल शक्ति राष्ट्रको संघर्षको थलो बन्ने संकेत होइन त ? एमसीसीको एउटा परिणाम। स्वतन्त्र परराष्ट्र नीति सकिएकै हो ?”
एमसीसी सम्झौता अनुमोदन पछि अमेरिकी नेता र अधिकारीहरुको नेपाल भ्रमणमा लर्को लागेको छ।अब तिब्बत मामिला हेर्ने संयोजक उज्रा जिया आउने रे। यो,नेपाल शक्ति राष्ट्रको संघर्षको थलो बन्ने संकेत होइन त?एमसीसीको एउटा परिणाम। स्वतन्त्र परराष्ट्र नीति सकिएकै हो?
— Bhim Rawal, PhD (@BhimRawal179) May 2, 2022
