नरोऊ छु म आँखामा आँसुभित्र बगेँ भने
नहाँस ओठमा ओठ जोडिएको छुट्यो भने ।
म साथ साथमा तिम्रो अङ्गालो भित्र भित्र छु
कस्सिएर बसेको छु छातीमा छाती भित्र छु ।।
सल्बलाएर यी हात तिमीभित्र जताततै
नखोज छु तिमी साथ अन्त हुन्न कहीँ कतै ।
हातमा हात यो साथ भित्र बाहिरमा सबै
तिमी भित्र म भित्रै छु बाहिर हुन्न हुन्न है ।।
डाँडा र लेकमा भेटौँ थुम्का र खोँचमा छुपी
नदेखुन् गाउँमा कोही घर भित्र लुकी लुकी ।
दौडँदै उक्लने पाखा मिठो त्यो स्वरको धुन
दङ्ग आफैँ हुने आफू दुवैको एक गुञ्जन ।
समाऊ हात यो मेरो नछाड काँध कन्धनी
बजाऊ यी चुरी हात हातमा अझ छन्छनी ।
लठारी सर्पझैँ वैँस वैँसालु वय मातियो
कसिई बाहुका पास भई दशर्क मात्तियो ।।
झर्नाझैँ लहराभाव केशभित्रै म छोपिऊँ
ढाकिऊँ पोलिऊँ भित्रै भित्र भित्रै म सिद्धिऊँ ।
आफैँ खोजूँ म आफैँमा तिमीभित्र हराउँदा
नभेटिई म आफैँमा स्वर्गमा लहराउँदा ।।
