बुटवल । नेकपा एमालेका उपमहासचिव विष्णु पौडेलले आगामी तीनै तहको चुनावमा एमालेले ६० प्रतिशतभन्दा बढी मत ल्याउने दाबी गर्नु भएको छ ।
रुपन्देहीमा पार्टीको तिलोत्तमा नगर कमिटीको प्रथम नगर अधिवेशनको मंगलबार उदघाटन गर्दै नेता पौडेलले एमाले एक्लै चुनाव लडेर ६० प्रतिशत स्थानीय तह एवं प्रदेश र संघीय संसदमा ६० प्रतिशत सिटमा विजयी हासिल गर्ने दाबी गर्नुभएको हो ।
उहाँले भन्नुभयो, ‘सत्तारुढ पाँच दलीय गठबन्धनका विरुद्ध एमाले एक्लै चुनाव लड्छ र अघिल्लो चुनावभन्दा बढी नतिजा हासिल गर्छ, तीनै तहको निर्वाचनमा ६० प्रतिशतभन्दा बढी नतिजा ल्याउँछौं ।’
पार्टी कब्जा गर्ने र समाप्त गर्ने षडयन्त्रलाई कार्यकर्ताले असफल तुल्याएको भन्दै उपमहासचिव पौडेलले केही नेता चोइटिएर गए पनि एमाले एकढिक्का रहेको बताउँदै भ्रममा नपर्न आग्रहसमेत गर्नुभयो ।
