सिड्नी । झापाली समाज अष्ट्रेलियाले सिड्नीमा बनभोज कार्यक्रम गर्ने भएको छ ।संस्थाका कोषाध्यक्ष अशोक ओलीका अनुसार अगष्ट २४ आइतबारका दिन एसफिल्डपार्कमा दिउँसो १बजे देखि ५ बजेसम्म बनभोज कार्यक्रम गरिनेछ । कार्यक्रममा संस्थाको सदस्यता नविकरण लगायत परोपकारी तथा झापा जिल्लाका लागि सेवामुखी कार्यक्रमहरुको बारे छलफल गरिने तयारी रहेको जानकारी गराइएको छ ।
१७ महिना अघि स्थापना भएको यस संस्थाले हाल सम्म झापाको कन्काइमाई नदिमा आर्यघाट निर्माणको लागि ५ लाख भन्दा बढी आर्थिक सहयोग, एसएलसीमा बोर्डफस्ट भएका झापाका विद्यार्थीलाई नगद तथा सम्मान, झापाका अग्रज नेताहरु, उद्यमी तथा नागरिक समाजका ब्यक्तिहरुसग झापामा अन्तर्कृया, सिड्नीमा रक्तदान कार्यक्रम लगायतका कार्य सम्पन्न गरिसकेको झापाली समाज अष्ट्रेलियाका अध्यक्ष दिनेश पोखरेलले जानकारी दिए ।संस्थाले अष्ट्रेलियामा रहेका झापालीहरुविच आपसी सदभाव कायम गर्न र आफ्नो जन्मभुमिका लागि पनि केही गरौ भन्ने पवित्र उद्धेस्यका साथ बनभोज कार्यक्रम गर्न लागिएको जनाइएको छ । संस्थाले सबै सिड्नीमा बसोवास गर्ने झापालीहरुलाई उक्त कार्यक्रममा उपस्थितिको लागि निमन्त्रणा समेत गरेको छ ।
