सरकारले वर्षा शुरु भएपछि हालसम्म ९० जनाको मृत्यु भएको बताएको छ । गृहमन्त्री बामदेव गौतमले संसदलाई दिएको जानकारी अनुसार विभिन्न जिल्लामा गरी ३८ जना वेपत्ता भएका छन् भने ४८ जना घाइते भएका छन् ।
एक सय १७ घर पूर्ण क्षति, १ सय ३७ घरमा आंशिक क्षति भएको छ । घाइतेको उपचार, मृतकका परिवारलाइ राहत र जोखिमका नागरिकलाई अन्यत्र सारिएको मन्त्री गौतमले बताए । नदी छेउमा बसोबास गरिरहेकाहरुलाई अन्यत्र सार्न र सर्न निर्देशन दिइएको मन्त्री गौतमको भनाई छ ।
साउन १३ गते साँझदेखि परेको पानीले कास्कीको लुम्ले, भदौरे तमागीमा – ३५ जनाको मृत्यु भएको र चार जना बेपत्ता भएको उनले जानकारी दिए ।
१९ घाइते भएका छन् भने २४ घर पूर्ण रुपमा क्षति, तीन वटामा आंशिक क्षेती र केही विद्यालय र चार वटा झोलुङले पुल बगाएको गृहमन्त्रालयले जनाएको छ ।
प्रभावितलाई ५ हजार र मृतककाका परिवारलाई ४० हजार नगद दिइसकेको गृहमन्त्री गौतमले बताए ।
