ब्रिसवेन — निकै रोमाञ्चक खेलमा अस्ट्रेलियाले बुधबार भारतलाई पहिलो टान्टी– २० खेलमा ४ रनले हराएको छ । भारतका लागि शिखर धवनले उत्कृष्ट ७६ रन बनाए पनि त्यो जितका लागि पर्याप्त रहेन ।
अस्ट्रेलियाका लागि भने यो जित निकै महत्त्वपूर्ण रह्यो । उसले खराब प्रदर्शनबीच आफूलाई सुधार्न सक्यो । यो जितले अस्ट्रेलियाकाको आत्मविश्वास बढ्ने छ ।
वर्षाले प्रभावित खेल १७ ओभरमा छोटयाइएको थियो । डकवर्थ लुइस नियमअनुसार भारतले जितका लागि १ सय ७४ रनको लक्ष्य पाएको थियो । अस्ट्ेरलियाले यसअघि ग्लेन म्याक्सवेलको सर्वाधिक ४६ रन मदतमा ४ विकेट गुमाएर १ सय ५८ रन बनाएको थियो । भारतलाई अन्तिम ओभरमा जित पाउन १३ रन चाहिएको थियो ।
तर मार्कस स्टोनिसले उक्त ओभरमा दुई विकेट लिएर भारतलाई दबाबमा राख्यो । मार्चमा दक्षिण अफ्रिकाविरुद्धको शृंखलामा खराब प्रदर्शनपछि अस्ट्ेरलिया दबाबमा रहेको थियो । त्यो शृंखलामा बलमाथि गरिएको छेडछाडले पनि टिम थप विवादमा परेको थियो । अहिलेको जितले अस्ट्रेलियाकालाई धेरै राहत दिनेछ ।
यो जित निकाल्नुअघि अस्ट्रेलियाकापछिल्ला चार टान्टी–२० मा पराजित रहेको थियो । ‘हाम्रा ब्याट्सम्यानले धेरै राम्रो खेले, विशेषत: इनिङ्सको मध्य ओभरमा । रन बटुल्ने क्रममा हाम्रा खेलाडी निकै बहादूरी पनि देखाए,’ अस्ट्रेलियाकाली कप्तान आरोन फिन्चले भने, ‘दबाबबीच हाम्रो बलिङ पनि राम्रो रह्यो ।’
