धरान । धरानको जिरो पोइन्टमा बस दुर्घटना हुँदा ४ जनाको मृत्यु भएको छ भने ३८ जना यात्रु घाइते छन् ।
सोमबार भोजपुरबाट धरानका लागि छुटेको ना ७ प २७१३ नम्बरको बस दुर्घटना हुँदा पहिचान नखेलेकी सात महिनाकी बालिका, अर्की एक महिला, बसका चालक धरान १५ निवासी चक्रबहादुर गुरुङ, धनकुटा चौबिसेका ५६ वर्षीय दलबहादुर मगरको मुत्यु भएको छ ।
बसमा क्षमता भन्दा बढी यात्रु रहेको र बसको ब्रेक फेल भएका कारण बस बिजुलीको पोलमा ठोक्किएर दुर्घटनामा परेको इलाका प्रहरी कार्यालय धरानका डिएसपी सुमन कुमार तिम्सिनाले बताएका छन् ।
घाइतेहरूको वीपी कोइराला स्वास्थ्य विज्ञान प्रतिष्ठानमा उपचार भइरहेको छ। घटनाको थप विवरण आउन बाँकी छ।
