काठमाडौं । नेकपाका नेता ईश्वर पोखरेलले पार्टीको विचार र राजनीतिक कार्यदिशा स्पष्ट हुनुपर्ने बताएका छन् ।
उपप्रधानमन्त्री तथा रक्षामन्त्रीसमेत रहेका नेता पोखरेलले युवा संघ नेपालको २९ औँ वार्षिकोत्सवको अवसरमा बुधबार राजधानीमा आयोजित विशेष कार्यक्रमलाई सम्बोधन गर्दे एकताबद्ध भएको पार्टी विचारमा सुस्पष्ट हुनुपर्ने धारणा राखेका हुन् ।
उनले भने-”संसारमा हामीले देख्यौँ कम्युनिष्ट पार्टीहरु ठूला-ठूला बने । राज्यसत्ता कब्जा गरे । शासन सञ्चालन गरे । तर ती कम्युनिष्ट पार्टीहरु पूँजीवादीहरुले एउटा पनि गोली प्रहार नगरिकन तासका महल ढलेजस्तो भएर ढले । हाम्रो एकताबद्ध भएको कम्युनिष्ट पार्टी कुनै हालतमा पनि त्यस्तो हुनुहुन्न । हामी सबैले यसमा खबरदारी गर्नुपर्ने जरुरी छ ।”
नेकपाको पोलिटिक्स अब आर्थिक विकास र समृद्धिमा कसरी केन्द्रित हुने बताए । अहिले यस बिषयमा तत्काल रुपमा पार्टीमा छलफल गरेर निष्कर्षमा पुग्नु पर्ने बताए । उनले विचारमा स्पष्ट हुन नसके सिंगो पार्टी नै अलमलमा पर्ने बताए ।