चितवन । पूर्वी चितवनको ईलाका प्रहरी कार्यालय रत्ननगर टाडीँका प्रमुख एवं प्रहरी नायव उपरीक्षक (डिएसपी) दयानिधि ज्ञावालीको करिब १ वर्षमा सरुवा भएको छ ।
इलाका प्रहरी कार्यालय टाँडीमा कार्यरत डिएसपी ज्ञावाली लागूऔषधसँगै गुण्डागर्दीविरुद्ध शुन्य सहनशिलताका साथ कार्य गर्ने प्रहरीको नामले परिचित थिए ।
डिएसपी ज्ञावालीले यहाँ ११ महिना ११ उत्कृष्ट काम गरेका छन् । उनले एक टोल एक घण्टा, अवैध उत्खनन (नदीजन्य पदार्थ) नियन्त्रण, लागूऔषध नियन्त्रण, गुण्डागर्दी नियन्त्रण, जुवा तास नियन्त्रण, काठ तस्करी नियन्त्रण, सवारीसाधन चोरी, महिला हिंसा नियन्त्रण, रेप काण्ड, ज्यान मार्ने उद्योग, लुटेरा गिरोह पक्राउसहित विभिन्न कामहरुमा आफु र आफ्नो टिमबाट उत्कृष्ट कार्य प्रर्दशन गर्न सफल भएका थिए ।
यस्तै घरेलु हिंसा, बैकिङ्ग कसुर, गुडागर्दी, हप्ता असुली, जुवातास, यौन व्यवसाय, अवैध मदिरा लगायतका आपराधिक कार्यहरुमा समेत थप कठोर भएर प्रस्तुत भएकै कारण सफलता मिलेको हो ।
रत्ननगर टाँडीमा ११ महिनामा ज्ञावालीले विशेष अभियानका कारण झण्डै ८५ प्रतिशतमा रहेको लागूऔषधको कारोबार २० प्रतिशतमा झरेको तथ्यांकले देखाएको छ ।
फरार अभियुक्त पक्राउ लगायत यस क्षेत्रमा सुशासन कायम गर्न कुनै पनि कसर बाँकी नराख्ने प्रतिवद्धता अनुसार नै विभिन्न कार्ययोजनाले उनले रत्ननगरमा राम्रै सफलता हासिल गरेका थिए ।
उनले अष्ट्रेलियामा जान लागेको भनेर बिहे गरेर नाटकीय रुपमा सपिङ्ग गर्ने भन्दै भागेर हिँड्नेलाई पनि एकसात प्रविधिको मार्फत पक्राउ गर्न सफल भएका थिए ।
नेपाल प्रहरीमा नै फरक शैलीको एक टोल एक घण्टा अभियान उनले २०७५ फागुन २३ देखि २९ गतेसम्म सञ्चालन गरेका थिए । सो क्रममा ६० जना प्रहरीहरु अप्रेशनमा खटिएका थिए ।
