रुपन्देही । अख्तियार दुरुपयोग अनुसन्धान आयोगको टोलीले रुपन्देहीमा प्रहरी निरीक्षकलाई घुस रकमसहित पक्राउ गरेको छ ।
पक्राउ पर्नेमा इलाका प्रहरी कार्यालय रन्यौरा (मुर्गिया) मा कार्यरत प्रहरी निरीक्षक केशबबहादुर बस्नेत रहेका छन् । नदीजन्य पदार्थ बालुवा, गिटी उत्खनन् र ओसारपसारमा सहजीकरण गरिदिने भन्दै घुस लिँदै गरेको अवस्थामा प्रहरी निरीक्षक बस्नेत पक्राउ परेका हुन् ।
उनलाई बिहीबार बेलुका १५ हजार घुससहित पक्राउ गरेको आयोगको बुटवल कार्यालयले जनाएको छ ।