सोल । उत्तर कोरियाली एक सैनिक असैन्यकृत क्षेत्र पार गरी दक्षिण कोरिया पुगेका छन् ।
उत्तर कोरियाबाट भागेर दक्षिण कोरिया आएका उत्तर कोरियाली सैनिकको परिचय भने सार्वजनिक गरिएको छैन । यद्यपि उत्तर कोरियाबाट भागेर दक्षिण कोरिया पुगेका उनी उत्तर कोरियाली सेनामा कार्यरत सैनिक रहेको अन्तर्राष्ट्रिय सञ्चारमाध्यमले जनाएका छन् ।
सीमा क्षेत्रमा राखिएको तापक्रम पहिचान गर्न सक्ने यन्त्रले उनी दक्षिण कोरिया पुगेको पत्ता लागेको दक्षिण कोरियाली अधिकारीले जनाएका छन् ।
यसअघि नै उनले दक्षिण कोरिया आउने इच्छा देखाएको बताइएको छ । दक्षिण कोरिया पुगेका उनलाई सैनिक हिरासतमा राखिएको अन्तर्राष्ट्रिय सञ्चारमाध्यमले जनाएका छन् ।
हरेक वर्ष उत्तर कोरियाबाट भागेर दर्जनौंको सङ्ख्यामा उत्तर कोरियाली सैनिक तथा सर्वसाधारण दक्षिण कोरिया आउने गरेका छन् ।
