झापा । जिल्ला प्रहरी कार्यालय झापाले भद्रपुर विमानस्थलबाट गोलीसहित एकजनालाई नियन्त्रणमा लिएको छ।
बिहीबार दिउँसो सौर्य एयरलाइन्सबाट काठमाडौंको लागि हिँडेका इलाम सुर्योदय नगरपालिका–४ श्रीअन्तु घर भएका ३८ वर्षीय सुरेश राई बिमानस्थलमा जेकचाँचका क्रममा पक्राउ परेका हुन्।
जिल्ला प्रहरी कार्यालय झापाका प्रहरी नायव उपरीक्षक महेन्द्रकुमार श्रेष्ठका अनुसार उनको साथबाट थ्रीनट थ्री राइफलमा प्रयोग हुने १ थान गोली पनि बराबद गरिएको छ ।
राईले के प्रयोजनका लागि गोली बोकेर हिँडेका हुन् भन्ने बारे जिल्ला प्रहरी कार्यालयले अनुसन्धान थालेको प्रवक्ता श्रेष्ठले जानकारी दिए।