भक्तपुर । भक्तपुरको सूर्यविनायकमा एकजना झुण्डिएको अवस्थामा फेला परेका छन्।
सूर्यविनायक नगरपालिका–९ नंखेलको भाटेढिकुरस्थित नयाँ बिहानी सुधार केन्द्रमा झुण्डिएको अवस्थामा दोलखाको तामाकोसी गाउँपालिका २ झुले निवासी ४४ वर्षीय माधव कार्की शव फेला परेको हो।
महानगरीय प्रहरी परिसर भक्तपुरका अनुसार रक्सीको लत छुटाउन केन्द्रमा भर्ना भएका थिए । कोठामा रहेको दुईतले खाटमा आफैले लगाउने ट्रयाकसुटको तुनाको पासो लगाइ शनिबार बिहान झुण्डिएको अवस्थामा फेला परेका हुन्।
कार्कीलाई केन्द्रका कर्मचारीले नै तत्काल उपचारको लागि भक्तपुर अस्पताल लगेका थिए। अस्पतालका चिकित्सकले उनलाई मृत घोषणा गरेका थिए ।
