स्याङ्जा । जिल्ला प्रहरी कार्यालय स्याङ्जाले हतियार र प्रतिवन्धित सामाग्री सहित दुई जनालाई पक्राउ गरेको जनाएको छ । पक्राउ पर्ने भीरकोट नगरपालिका ९ का शिव दर्लामी र मोहन सिंजाली रहेका छन् ।
गल्याङ नगरपालिकामा शंकास्पद गतिविधि गरेको आशंकामा प्रहरीले खानतलासी गर्दा प्रतिवन्धित विप्लव समुहको नेपाल कम्युनिष्ट पाटीको दस्तावेज फेला परेपछि उनीहरुलाई अनुसन्धान गरिएको थियो ।
उनीहरुबाट एक थान एयरगन, बम जस्तो देखिने आईडि ५ थान, चन्दा उठाउने रसिद प्याड र विप्लव समुहको विभिन्न दस्तावेजहरु बरामद गरेको जिल्ला प्रहरी कार्यालय स्याङ्जाका प्रमुख राजकुमार लम्सालले बताए । उनीहरुको थप अनुसन्धान भइरहेको प्रहरीले जनाएको छ ।
