काठमाडौँ। नेपाली काँग्रेसको महामन्त्री पदमा डा. सुनिलकुमार शर्माले उम्मेदवारी दर्ता गराउनुभएको छ ।
मंगलवार उहाँले राष्ट्रिय सभा गृहमा पुगेर मनोनयन दर्ता गराउनुभएको हो । मनोनयन दर्तापछि सञ्चारकर्मीसँग कुरा गर्दै शर्माले पार्टीमा आमूल परिवर्तन, युवा पुस्ताको नेतृत्व र संस्थागत सुदृढीकरणको लागि आफूले उम्मेदवारी दर्ता गराएको बताउनु भयो ।
उहाँले आफू महामन्त्रीमा निर्वाचित भइसकेपछि पार्टीलाई एकताबद्ध बनाएर लैजाने समेत दाबी गर्नुभयो । उहाँले अग्रज पुस्ताको अनुभव र नयाँ पुस्ताको कार्यशैलीमा पार्टीलाई अगाडि बढाउन भुमिका खेल्ने दाबी पनि गर्नुभयो ।
उहाँले भन्नुभयो, ‘म महामन्त्री भइसकेपछि मेरो एउटा प्रमुख दायित्व के पनि हुन्छ भने पुराना हाम्रा जो सिनियर नेताहरु हुुनुहुन्छ उहाँहरुसँग वार्ता र संवाद गर्ने र उहाँहरुलाई कसरी हुन्छ फेरी हाम्रो अग्रज र संरक्षकको रुपमा फेरि लिएर आउने हो । हाम्रो अग्रजको अनुभव र हाम्रो काम गर्ने शैलीलाई फ्युजन गराएर पार्टी बनाउने र पार्टीसँगै देश निर्माण गर्ने र देश बदल्ने हो ।’
उहाँले पार्टीसँगै देशलाई समेत समुन्नतिको मार्गमा लैजान आफू कटिबद्ध भएर लाग्ने समेत बताउनु भयो । –न्युज एजेन्सी नेपाल
