काठमाडाैँ । मुगुका २५ वर्षीय गणेश नेपालीको आत्मदाह प्रकरणको छानबिन गर्न सरकारले पाँच सदस्यीय समिति गठन गरेको छ।
शुक्रबार प्रतिनिधिसभामा बोल्दै गृहमन्त्री सुधन गुरुङले नेपाल प्रहरीका डीआईजी गोविन्द थपलियाको नेतृत्वमा पाँच सदस्यीय छानबिन समिति गठन गरिएको जानकारी दिए।
गृहमन्त्री गुरुङका अनुसार समितिले घटनाको सम्पूर्ण पक्षको निष्पक्ष अनुसन्धान गरी प्रतिवेदन पेश गर्नेछ।
उनले घटनाका सम्बन्धमा सोधपुछका लागि काठमाडौं महानगरपालिका नगर प्रहरीका तीन जनालाई नियन्त्रणमा लिइएको पनि जानकारी दिए। घटनाको सत्यतथ्य पत्ता लगाउन अनुसन्धान जारी रहेको उनको भनाइ छ।
