काठमाडाैँ । नेपाली कम्युनिष्ट पार्टीकी सांसद बलावती शर्माले प्रतिशोध, विभेद र चयनात्मक न्यायको बाटो नरोजी सरकारले भदौ २३ र २४ का घटनाका दोषीमाथि कारबाही गर्नुपर्ने बताउनुभएको छ ।
आइतवार बसेको प्रतिनिधि सभाको शुन्य समयमा बोल्दै उहाँले यस्तो बताउनुभएको हो । उहाँले मानव अधिकार आयोगले सार्वजनिक गरेको प्रतिवेदनले जेन–जी आन्दोलनका क्रममा गम्भीर मानवअधिकार उल्लंघन तथा संगठित आपराधिक गतिविधि भएको निष्कर्ष निकालेको बताउनुभयो । उहाँले आयोगको प्रतिवेदन कार्यन्वयन गर्न सरकारसँग माग गर्नुभयो ।
सांसद शर्माले जेनजी आन्दोलनसँग सम्बन्धित घटनाको छानबिनका लागि तत्कालीन सुशिला कार्की नेतृत्वको सरकारले गठन गरेको आयोगका अध्यक्ष गौरीबहादुर कार्कीमाथी समेत प्रतिवेदनले मानवअधिकार आयोगको प्रतिवेदनले प्रश्न उठाएको बताउनु भयो ।
उहाँले राष्ट्रिय मानवअधिकार आयोग संवैधानिक निकाय भएकाले आयोगको प्रतिवेदन कार्यान्वयन गर्ने वा नगर्ने विषयमा सरकारले स्पष्ट जवाफ दिनुपर्ने बताउनु भयो ।सांसद शर्माले भदौ २३ र २४ गतेका घटनाको निष्पक्ष छानबिन गरी दोषीमाथि कानूनी कारबाही गर्न माग गर्नुभयो ।
