काठमाडौँ । बाजुराको हिमाली गाउँपालिका–३ लाम्पाटामा अस्थायी प्रहरी चौकी निर्माण र सीमाको विषयलाई लिएर झडप भएको छ । मंगलबार बिहान सीमा विवादको विषयलाई लिएर हुम्लाको खार्पुनाथ गाउँपालिका–२ थालीका स्थानीयले विरोध जनाएका थिए ।
झडपमा पाँच जना सामान्य घाइते भएको जिल्ला प्रहरी कार्यालयका प्रहरी निरीक्षक नरेशबहादुर शाहीले जानकारी दिनुभयो । घाइते हुनेमा हिमाली गाउँपालिका–३ का वडा सदस्य ३४ वर्षीय पेमा गारा गुरुङ, उनकी श्रीमती ३३ वर्षीया लक्ष्मी गुरुङ, २४ वर्षीया मिनु कुँवर, प्रहरी चौकी बिच्छियामा कार्यरत प्रहरी सहायक हवल्दार महेश धामी र हिमाली गाउँपालिकाका कार्यकारी प्रमुख कुल बहादुर थापा रहेका छन् ।
स्थानियका अनुसार रानिसैन जान लागेको धनगढी उप महानगरपालिका नगर प्रमुख गोपाल हमाल, हिमाली गाउँपालिका अध्यक्ष गोबिन्द्र मल्ल सहितको टिमलाइ अगाडी बढन नदिएपछि फिर्ता भएका छन् ।
फोटो/ भिडियो- सामाजिक संञ्जाल
