काठमाडौँ । प्रतिनिधिसभाको बैठक प्रमुख प्रतिपक्षी दलको अवरोधपछि १५ मिनेटका लागि स्थगित गरिएको छ ।
नीति तथा कार्यक्रममाथिको छलफलका क्रममा प्रधानमन्त्री बालेन्द्र शाह अनुपस्थित भएपछि विपक्षी सांसदहरूले असन्तुष्टि जनाउँदै बैठक अवरुद्ध गरेका थिए । प्रधानमन्त्रीको अनुपस्थितिलाई लिएर प्रश्न उठाउँदै विपक्षी सांसदहरूले छलफल प्रक्रिया अघि बढ्न नदिएपछि संसद् बैठक प्रभावित भएको हो ।
सभामुखले बैठकलाई निरन्तरता दिने प्रयास गरे पनि विपक्षी दलका सांसदहरू आफ्नो अडानबाट पछि नहटेपछि अन्ततः बैठक १५ मिनेटका लागि स्थगित गरिएको संसदीय स्रोतले जनाएको छ ।
संसद् बैठकमा देखिएको अवरोधका कारण नीति तथा कार्यक्रममाथिको छलफल प्रभावित बनेको छ ।
