इस्लामावाद। पाकिस्तान र अफगानिस्तानले सीमापार आक्रमणका कारण महिनौँदेखि जारी द्वन्द्व अन्त्य गर्ने उपाय खोज्ने प्रयास गर्न चीनमा वार्ता गरिरहेका छन् ।
पाकिस्तानका विदेशमन्त्री इशाक दार आफ्ना चिनियाँ समकक्षी वाङ यीसँग भेट्न मङ्गलबार बेइजिङ पुगेपछि उत्तरपश्चिमी शहर उरुम्चीमा बैठक भएको हो ।
उनीहरूबिच संयुक्त राज्य अमेरिका र इरानलाई वार्ताको टेबलमा ल्याउने प्रयासमा इस्लामाबादको भूमिकाबारे छलफल भएको र र द्वन्द्व अन्त्यका लागि संयुक्त पाँचबुँदे योजना तय भएको बताइएको छ।
गत सप्ताहन्तमा पाकिस्तानी राजधानीमा साउदी अरब, इजिप्ट र टर्कीका विदेश मन्त्रीहरूको भेट भएको पाकिस्तानको कूटनीतिक प्रयासका लागि चिनियाँ समर्थनपछि दार बुधबार इस्लामाबाद फर्किनुभएको थियो ।
चीनले पाकिस्तान र अफगानिस्तानबीच बढ्दो द्वन्द्वमा मध्यस्थता गर्न खोजेको छ । उसले विशेष दूत पठाएको छ र तनाव कम गर्न रचनात्मक भूमिका खेल्ने प्रतिबद्धता जनाएको छ ।
पाकिस्तानले सीमापार आक्रमण गर्ने चरमपन्थीहरूलाई निशाना बनाइरहेको बताएको छ, तर काबुलका अधिकारीहरूले आतङ्ककारीहरूलाई आश्रय दिएको अस्वीकार गरेका छन्।
यसैबिच अफगान सरकारसँग सम्पर्क गर्दा पाकिस्तानी विदेश मन्त्रालय र सेनाले वार्ताका बारेमा तत्काल कुनै प्रतिक्रिया दिएका छैनन्।
पाकिस्तानका एक वरिष्ठ सुरक्षा अधिकारीले भने, “पाकिस्तानी विदेश मन्त्रालयका अधिकारीको नेतृत्वमा एक प्रतिनिधिमण्डल अफगान तालिवानसँग वार्ता गर्न उरुम्कीमा पुगेको छ ।”
“चिनियाँ मित्रको आग्रहमा यो बैठक हुन लागेको हो,” उहाँले भन्नुभयो । अर्का वरिष्ठ सरकारी अधिकारीले पनि वार्ताको पुष्टि गर्दै भने “यो बैठक पूर्ण स्तरको संवादको आधार तयार गर्नका लागि पहल हो ।”
अफगानिस्तानबाट पाकिस्तानको माग यथावत रहेको र काबुललाई चरमपन्थीविरुद्ध ‘प्रमाणित कारबाही गर्न’ र ‘समूहलाई कुनै पनि समर्थन अन्त्य गर्न’ आग्रह गरेका छन्।
उसले अफगानिस्तानको भूमिलाई पाकिस्तानविरुद्ध आक्रमण गर्ने अखडा नहोस् भन्ने पनि सुनिश्चित गर्न चाहेको छ । पाकिस्तान यस क्षेत्रमा चीनको सबैभन्दा नजिकको साझेदार हो र बेइजिङले अफगानिस्तानसँगको इस्लामावादको द्वन्द्वमा ‘शान्त र संयम’ रहन आग्रह गरेको छ।
कतार र टर्कीले सहयोग गरेका मध्यस्थता प्रयासहरू स्थायी युद्धविराम प्राप्त गर्न असफल भएपछि यो बैठक पहिलो महत्त्वपूर्ण संलग्नता हो, जसले इस्लामाबादलाई अफगानिस्तानको भित्री भागमा हवाई आक्रमणहरू सहित एक ठूलो सैन्य अभियान सुरु गर्न प्रेरित गरेको छ । (रासस/एएफपी)
