काठमाडौँ। अस्ट्रेलियाको वार्षिक मुद्रास्फीति दर फेब्रुअरीमा ३.७ प्रतिशतमा झरेको छ । जसले ३.८ प्रतिशत नै रहने अनुमान गरेका अर्थशास्त्रीहरूको अपेक्षालाई गलत सावित गरिदिएको छ ।
अस्ट्रेलियन ब्युरो अफ स्ट्याटिस्टिक्सले सार्वजनिक गरेको आधिकारिक तथ्याङ्कअनुसार फेब्रुअरीसम्मको एक वर्षमा उपभोक्ता मूल्य सूचकांक ३.७ प्रतिशतले बढेको छ । जुन डिसेम्बर र जनवरीमा रिपोर्ट गरिएको ३.८ प्रतिशतभन्दा कम हो ।
अस्ट्रेलियन ब्रोडकास्टिङ कर्पोरेशनले बुधवार बिहान रिपोर्ट गरेअनुसार वित्तीय बजारले मुख्य मुद्रास्फीति लगातार तेस्रो महिना ३.८ प्रतिशतमा रहने अपेक्षा गरेको थियो ।
रिजर्भ बैंक अफ अस्ट्रेलियाले रुचाएको आधारभुत मुद्रास्फीतिको मापन, वार्षिक ट्रिम्ड मीन, फेब्रुअरीमा ३.३ प्रतिशतमा अपरिवर्तित रहेको बताएको छ ।
जुन केन्द्रीय बैंकको २–३ प्रतिशतको लक्ष्य सीमाभन्दा माथि हो । बोर्डले त्यस समयमा मध्यपूर्वको द्वन्द्वका कारण इन्धनको मूल्य बढ्दा मुद्रास्फीतिमा थप चाप पर्ने बताएको थियो । सिन्ह्वा/ न्युज एजेन्सी नेपाल
