काठमाडाैँ । एक समय अफगानिस्तान र पाकिस्तानलाई जोड्ने व्यस्त सीमावर्ती शहर तोर्खाम, सीमामा भएको झडपपछि विगत पाँच महिनादेखि बन्द छ ।
अफगानिस्तानमा पुनर्वास गरेका पूर्वशरणार्थी जार गुल एतमानजाईले तोर्खामका तीनवटा बजारमा रहेका दर्जनौं पसल र सम्पतीमा क्षति पुगेको बताए । करिव ३० करोड अफगानी (करिव ४८ लाख अमेरिकी डलर) बराबरको नोक्शान भएको अनुमान गरिएको छ । युद्धको परिणाम मानिसहरूको विस्थापन बाहेक अरू केही नभएको उनको भनाइ छ । सर्वसाधारणहरू युद्धको शिकार मात्रै भएको उनी बताउँछन् ।
६० लाखभन्दा बढी अफगानीहरू छिमेकी देश पाकिस्तान र इरानमा बसोवास गरिरहेको बताइए पनि मध्यपूर्वमा बढ्दो तनावका बीच स्वदेश फर्किनेहरूको सङ्ख्या बढिरहेको छ ।
हरेक दिन हजारौं शरणार्थीहरू अफगानिस्तान फर्किरहेका छन् तर उनीहरूले आफ्नो गृह देश सुरक्षित आश्रयस्थलबाट धेरै टाढा रहेको पाइरहेका छन् । अफगान र पाकिस्तानी अधिकारीहरूका अनुसार केही हप्ता अघि सीमामा झडप शुरु भएदेखि धेरै मानिसहरू मारिएका छन् र घाइते भएका छन् ।
