काठमाडौँ । शिखर पावर डेभलपमेन्ट लिमिटेड ले दोस्रो चरणअन्तर्गत आजदेखि सर्वसाधारणका लागि आईपीओ बिक्री खुला गरेको छ। कम्पनीले कुल १८ लाख ४२ हजार ६ सय कित्ता साधारण सेयर निष्कासन गरेको हो।
निष्कासित सेयरमध्ये १ लाख ११ हजार कित्ता सामूहिक लगानी कोष र ४४ हजार ४०० कित्ता कर्मचारीका लागि छुट्याइएको छ। बाँकी सेयरमा सर्वसाधारणले न्यूनतम १० देखि अधिकतम १० हजार कित्तासम्म आवेदन दिन सक्नेछन्।
आवेदन नेपाल धितोपत्र बोर्ड बाट स्वीकृत आस्बा सदस्य बैंक तथा वित्तीय संस्था र तिनका शाखामार्फत तथा ‘मेरो सेयर’ प्रणालीबाट अनलाइन दिन सकिनेछ। आईपीओ छिटोमा फागुन २६ र ढिलोमा चैत १ गतेसम्म खुला रहनेछ।
कम्पनीले यसअघि पहिलो चरणमा वैदेशिक रोजगारीमा रहेका नेपाली र आयोजना प्रभावित स्थानीयका लागि सेयर जारी गरिसकेको थियो। निष्कासन तथा बिक्री प्रबन्धक ग्लोबल आइएमई क्यापिटल लिमिटेड रहेको छ।
