काठमाडौं । हिमालय एयरलाइन्सले आफ्ना मध्यपूर्व गन्तव्यतर्फका सबै उडान अस्थायी रूपमा स्थगित गरेको जनाएको छ। मध्यपूर्व क्षेत्रको हवाई क्षेत्रमा विकसित भइरहेको अवस्थाका कारण सबै उडान अस्थायी रूपमा स्थगित गरेको जनाएको हो।
एयरलाइन्सले शनिबार जारी गरेको सूचना अनुसार दुबई, दमाम तथा दोहा गन्तव्यका सबै उडान अर्को सूचना नआउञ्जेलका लागि रद्द गरिएको हो। यात्रुहरूलाई कम्पनीको आधिकारिक सामाजिक सञ्जाल तथा वेबसाइटमार्फत नियमित अपडेट हेर्न अनुरोध गरिएको छ।
उडान रद्द हुँदा यात्रुहरूमा परेको असुविधाप्रति कम्पनीले क्षमायाचना व्यक्त गर्दै परिस्थितिप्रति समझदारीका लागि आग्रह गरेको छ।
