काठमाडौं। नवनियुक्त प्रधानमन्त्री सुशिला कार्कीलाई भारतका प्रधानमन्त्री नरेन्द्र मोदीले हार्दिक शुभकामना दिएका छन्।
मणिपुरमा आयोजित एक कार्यक्रममा बोल्दै उनले कार्कीको नियुक्तिलाई नेपालमा लोकतान्त्रिक अभ्यास र महिला सशक्तीकरणको ऐतिहासिक उपलब्धि भनेका हुन्।
उनले भने, “नेपालले कठिन समय पार गर्दै स्थिरताको दिशामा कदम बढाएको छ। प्रधानमन्त्री कार्कीको नेतृत्वमा शान्ति र समृद्धिको मार्ग खुल्नेछ भन्ने मलाई विश्वास छ।”
मोदीले सामाजिक सञ्जालमार्फत समेत बधाई दिँदै नेपालका जनताले लोकतान्त्रिक मूल्यलाई सर्वोपरि राखेकोमा प्रशंसा गरेका छन्।
