काठमाडौँ । काठमाडौँ महानगरपालिकाको मेयर बालेन्द्र शाह(बालेन) बजेट स्वीकृत हुने बित्तिकै उठेर हिँडेका छन् ।
आगामी आर्थिक वर्ष २०८२/०८३को बजेट स्वीकृत भएपछि बालेनले लेखा समितिको संयोजक गायत्री पुडासैनीलाई प्रतिवेदन पेस गर्न भन्दै उनी उठेर हिँडेका हुन् ।
उनी उठेर हिँडेपछि प्रवक्ता नवीन मानन्धरसहित केहि वडाध्यक्ष पनि उठेका थिए ।
नगर सभाको अध्यक्ष समेत रहेका बालेन बैठक नसकिँदै हिँडेपछि नगर सभामा एकछिन रनभुल्ल भएको थियो ।
