वीरगञ्ज । आरडिटी पोजेटिभ देखिएका एक जना वृद्धको वीरगञ्ज नारायणी अस्पतालअन्तर्गतको गण्डक कोभिड अस्पतालमा मृत्यु भएको छ । वीरगञ्ज आदर्शनगरका ६५ वर्षीय वृद्धको आइतबार उपचारकै क्रममा बिहान मृत्यु भएको हो ।
आइतबार बिहान ६ः४० बजे उनको मृत्यु भएको गण्डक अस्पतालका संयोजक डा. उदयनारायण सिंहले जानकारी दिए । उनलाई उपचारका लागि शनिबार साँझ वीरगञ्ज हेल्थ केयर हस्पिटलमा उपचारका लागि लगिएको थियो ।
हेल्थ केयरमा आरडीटी परीक्षण गर्दा एन्टीबडी पोजेटिभ देखिएको थियो । त्यसपछि शनिबार राति नै ८ बजेतिर गण्डक अस्पतालमा भर्ना गरिएको थियो । मधुमेह र मुटुरोगी उनलाई केही दिनदेखि स्वास्थ्यमा समस्या देखिएको थियो । उनको पीसीआर परीक्षणको रिपोर्ट आइसकेको छैन ।
