काठमाडौं । संघीय संसद् अन्तर्गत प्रतिनिधिसभाको पाक्षिक क्यालेन्डर तयार भएको छ । कार्यव्यवस्था परामर्श समिति बैठकले आजबाट सुरु हुन लागेको बजेट अधिवेशनमा यो महिनाभर बस्ने बैठकको क्यालेण्डर पारित गरेको हो ।
क्यालेण्डर अनुसार वैशाखमा प्रतिनिधिसभाको १२ वटा बैठक बस्नेछ। क्यालेन्डर अनुसार आजको बैठकपछि १४ र १५ वैशाखमा बस्नेछ । त्यसपछि अर्को बैठक १६ गते बस्नेछ ।
वैशाख १९ गते राष्ट्रपतिले संयुक्त सदनमा नीति तथा कार्यक्रम प्रस्तुत गर्नेछन् । र त्यसपछि २२, २३, २४, २५ २६, २८, ३० र ३१ वैशाखमा प्रतिनिधिसभाका बैठक बस्नेछन् ।
प्रि बजेट’ छलफल वैशाख २८ देखि हुने सम्भावना रहेको छ। बजेट प्रस्तुत हुने १५ दिन अगावै प्रि बजेट छलफल गर्नुपर्ने कानुनी प्रावधान छ ।
संवैधानिक व्यवस्थाअनुसार जेठ १५ गते आगामी आर्थिक वर्षका लागि अर्थमन्त्रीले बजेट प्रस्तुत गर्नेछन् ।
