काठमाडौं । राप्रपा नेपालको कार्यसम्पादन समितिको बैठक आज बस्ने भएको छ ।
दिउँसो १:३० बजे पार्टी केन्द्रीय कार्यालय सिफलमा बैठक बस्ने महामन्त्री राजाराम बर्तौलाले जानकारी दिए । मुलुकको पछिल्लो राजनितिक घटनाक्रम, आन्दोलनको तयारी र पार्टीको भुमिका तथा साङ्गठानिक गतिविधिका बारेमा छलफल हुने बर्तौलाले जानकारी दिए ।
उनले भने ‘आजको बैठकमा केही महत्वपूर्ण बिषयमा छलफल हुनेछ, अध्यक्ष कमल थापाले पछिल्लो परिस्थिति र भाबि योजना बारे खाका सहित धारणा राख्नुहुनेछ ।’
तीनकुने घटना र सो घटनाको आधारमा पक्राउ परेका आस्थाका बन्दिहरुको रिहाईको बारेमा समेत बैठकमा छलफल हुने बताईएको छ । तीनकुने घटनाको बारेमा निष्पक्ष न्यायिक छानबिन आयोग गठन नभएकोमा पार्टी असन्तुष्ट समेत रहेको छ ।
