काठमाडौँ । वैदेशिक रोजगारीको लागि विभिन्न देशहरुमा पठाइदिन्छु भन्दै ठगी गर्ने दुईजना पक्राउ परेका छन् ।
पक्राउ पर्नेमा ईलाम चुलाचुलि घर भई काठमाडौँ बस्ने ३५ बर्षीय ख्याम खड्का र मोरङ ग्रामथान घर भई काठमाडौँ बस्ने २३ बर्षका ईश्वर पोखरेल रहेका छन् ।
खड्काले दुई पिडितलाई युके पठाईदिन्छु भन्दै छत्तिस लाख ठगी गरेको पाईएको छ भने पोखरेलले क्यानडा पठाईदिन्छु भन्दै एक जनाबाट दश लाख एकाउन्न हजार ठगी गरेको खुलेको छ ।
पीडितहरुले दिएको जाहेरी दरखास्त उपर अनुसन्धान हुँदा विदेश पठाउने भनी ठगी गरेको पाईएपछि उनीहरुलाई काठमाण्डौं उपत्यकाका विभिन्न स्थानहरुबाट पक्राउ गरी थप अनुसन्धान तथा कारवाहीको लागि सम्बन्धित कार्यालयहरुमा पठाईएको काठमाडौँ अपराध अनुसन्धान कार्यलयले जनाएको छ ।
