डोल्पा। जंगली च्याउ खाँदा ४ जना गम्भीर बिरामी भएका छन् । डोल्पाको ठूलीभेरी नगरपालिका–७, का ३३ वर्षका उत्तमबहादुर शाही, ३१ वर्षका सुर्यबहादुर साही, वडा नम्बर ८ का ३३ वर्षका कमलबहादुर शाही र वर्ष ४४ को सत्यबहादुर शाही गम्भीर बिमारी परेका प्रहरीले जनाएको छ ।
डोल्पाका प्रहरी प्रमुख डीएसपी नारायण रञ्जितकारका अनुसार आइतबार साँझको खानासँगै जंगली च्याउ खादाँ उनीहरु बिरामी परे पनि प्रहरीले सोमबार विहानमात्र खबर पाएकाले प्रहरी चौकी मागफाल प्रहरी सहायक निरीक्षक कृष्ण तिरुवाको कमाण्डमा ७ जनाको टोलि घटास्थलतर्फ गएको बताए ।
जंगली च्याउ खाँदा गम्भिर गाइते भएका ४ जनामध्ये पहिलो खेपमा सिम्रिक एयरको हेलिकप्टरले ३ जनालाई सुर्खेत पठाइएको र एकै हेलिकप्टरबाट नअटेका कारण एक जनाका लागि भने छुट्टै हेलिकप्टर आउने डीएसपी रञ्जितकारले बताए । उनका अनुसार एक जनालाई भने नेपालगञ्ज पठाउने तयारी छ ।
