काठमाडौँ । नेकपा एमालेको संसदीय दलको बैठक आउँदो मंगलबार बस्ने भएको छ ।
संसदको हिउँदे अधिवेशन माघ १८ मा बोलाइएको छ । त्यसअघि दलको तर्फबाट सांसदहरूको भूमिकाबारे छलफल गर्न बैठक बोलाइएको एमालेका मुख्य सचेतक महेश बर्तौलाले जानकारी दिए ।
बर्तौलाका अनुसार संसद भवनको ल्होत्से हलमा अपराह्न १ बजे बोलाइएको बैठकमा दुवै सदनका सांसदहरु सहभागी हुनेछन् ।
उक्त बैठकमा संसद बैठकमा दलको तर्फबाट कसरी प्रस्तुत हुने र विधेयकहरूमा कसरी सहभागी हुने भन्नेबारे सांसदहरूलाई जानकारी गराइने छ ।
