काठमाडौं । राप्रपा नेपालका अध्यक्ष कमल थापाले मुलुक महाशक्ति राष्ट्रहरुको रणनीतिक क्रिडास्थल बन्ने खतरा रहेको टिप्पणी गरेका छन् ।
स्वर्गीय राजा बिरेन्द्रको बहुआयामिक ब्यक्तित्व बिषयक बिचार गोष्ठीमा बोल्दै थापाले देशको सबै क्षेत्र लथालिङ्ग र भताभुङ्ग भएको यस्तो दुराबस्थाको फाईदा उठाउदै बिदेशी दबाब र प्रभाब बढ्न थालेको समेत बताए । लोकतन्त्रको आबरणमा ब्रम्हलुट भईरहेको चर्चा गर्दै थापाले आर्थिक सड्ढट , भ्रष्टाचार , बेरोजगारी ,धर्म परिबर्तन लगायतको बिषय अहिलेको डरलाग्दो महारोग बनेको समेत बताए । राष्ट्रबादी शक्तिहरु एकजुट भएर ब्यबस्था र अबस्था बदल्न लाग्नुपर्नेमा उनको जोड थियो ।
सो अबसरमा नेकपा मालेका महासचिव सिपि मैनालिले देश जोगाउन राष्ट्रियताको संरक्षण गर्न अब सबै बिउझुनुपर्ने बताए । मैनालिले स्वार्थको लागी बिदेशी हैकम सहनेहरु राष्ट्रबादी देशभक्त हुन नसक्ने बताए ।
कार्यक्रममा राप्रपाका नेता हरिबहादुर बस्नेत , पुर्बमन्त्री दिपक ज्ञवालिले स्वर्गीय राजा बिरेन्द्रको ब्यक्तित्वको बारेमा चर्चा गरेका थिय । राप्रपा नेपालको राजनीतिक बिभागद्वारा आयोजित कार्यक्रममा डाक्टर बिष्णु भण्डारी , भास्कर भद्रा , अमर केसि, रिता माझी लगायतले बोलेका थिए ।
