काठमाडौं। कोरोनाबाट संक्रमित भएकी नेकपाकी सांसद शान्ता चौधरीको स्वास्थ्यमा समस्या देखिएको छ । केही दिनअघि संक्रमण पुष्टि भएपछि घरमै आराम गरेकी चौधरीको स्वास्थ्यमा समस्या देखिएपछि आज आइसीयुमा भर्ना भएकी हुन्। वीर अस्पतालको आइसोलेसनमा रहेकी उनको स्वास्थ्यमा समस्या आएपछि आइसीयुमा भर्ना गरिएको उनका छोरा अनिल चौधरीले जानकारी दिएका छन्।
‘आजबाट मेरो मामु आइसीयुमा भर्ना हुनुभएको छ। मामु त्यहाँ धेरै केयर हुन्छ हजुरको। नडराउनु, आत्मबल ठूलो बनाउनु, सब ठीक हुन्छ,’ छोरा अनिलले सामाजिक सञ्जालमा लेखेका छन्।
त्यस्तै शान्ताको सचिवालयले पनि शान्तालाई आइसीयुमा सिफ्ट गरिएको जानकारी दिएको छ। ‘चौथो दिनमा पनि केही सुधार नआएपछि माननीय शान्ता चौधरीलाई आज रातिदेखि आइसीयुमा सिफ्ट गरिएको छ,’ उनको सचिवालयले जानकारी दिएको छ।
