काठमाडौं । राष्ट्रिय स्वतन्त्र पार्टीका समर्थक र प्रहरीबीच आज केही बेर अघि मुठभेड भएको छ ।
जसका कारण चितवन तनावग्रस्त भएको छ । चितवनको जिल्ला प्रहरी कार्यलय अगाडि आज बिहानदेखि नै रास्वपा समर्थकले विरोध प्रदर्शन जारी राखेका थिए । यता रवि लामिछानेको बयान सुरु भएपछि समर्थकहरुले चर्काे विरोध गरेका थिए । त्यसपछि प्रहरीले बल प्रयोग गर्दा दुवै तर्फबाट मुठभेड सुरु भएको हो ।
प्रहरीले प्रदर्शनकारीले आफूहरुमाथि ढुंगा प्रहार गरेको जनाएको छ भने उता रविका समर्थकहरुले भने आफूहरुले संयम अपनाउँदा अपनाउँदै पनि प्रहरीलेृ र्नै लाठीचार्ज गरेको जनाएका छन् । तर ढुंगा प्रहार भएपछि बल प्रयोग गरिएको चितवनका एसपी गौतम मिश्रले बताए ।
प्रदर्शनकारीहरुले हानेको ढुंगा लागेर २० भन्दा बढी प्रहरी घाइते भएको उनको दावी छ ।
त्यसैगरी प्रहरीले भने प्रदर्शन नियन्त्रण गर्ने क्रममा लाठी चार्ज गर्नुका साथी पानीका फोहरा र अश्रुग्यास प्रहार गरेको थियो । प्रदर्शनकारीतर्फ पनि दर्जनौं घाइते भएका छन्, तर यकिन विवरण आएको छैन । मुठभेड जारी नै रहेको त्यहाँको प्रहरीले जनाएको छ ।
