काठमाडौँ । घरजग्गा व्यवसायी विक्रम लामामाथि आक्रमण गरेको आरोपमा प्रहरीले थप एक जनालाई पक्राउ गरेको छ ।
प्रहरीले लामामाथि आक्रमण गरेको आरोपमा गोरखाको फुजेल घर भएका निश्चल सुनारलाई पक्राउ गरको हो । सुनारलाई झापाबाट पक्राउ गरिएको जिल्ला प्रहरी परिसर काठमाडौँका एसपी नवराज अधिकारीले जानकारी दिए ।
यसअघि प्रहरीले आक्रमण गर्ने समूहका ‘मार्शल’ भनिने शैलेन्द्र तामाङलाई पक्राउ गरेको थियो । नुवाकोटको ककनी गाउँपालिका–६ घर भई टोखा नगरपालिका–३ स्थित ग्राण्डी बस्दै आएका ३५ वर्षीय लामामाथि लाजिम्पाटस्थित इनोभा अस्पतालको पार्किङमा ४ जना मिलेर रड प्रहार गरेर निर्घात कुटपिट गरेका थिए ।
आक्रमणमा संलग्न रहेका अजय लामा र दीपक बरामु भने अझै फरार रहेका छन् । प्रहरीले उनीहरुमाथि ज्यान मार्ने उद्योगको कसुरमा अनुसन्धान गरिरहेको छ ।
