काठमाडौं । देशभर पछिल्लो २४ घण्टामा १९४५ जनामा कोरोना भाइरस संक्रमण पुष्टि भएको छ । शुक्रबार स्वास्थ्य मन्त्रालयले दिएको जानकारीका अनुसार शुक्रबार थप एक हजार ९ सय ४५ जनामा संक्रमण पुष्टि भएको हो। योसँगै कुल संक्रमितको संख्या २ लाख १६ हजार ९६५ पुगेको छ ।
आज देशभरका प्रयोगशालामा १० हजार ३४० नमुना परीक्षण गरिएको थियो । आज देखिएका संक्रमितहरुमध्ये ७४० जना महिला र १२ सय ५ जना पुरुष रहेका छन् ।
हाल देशभर २४ हजार ६६५ सक्रिय संक्रमित छन् ।
