काठमाडौं । प्रधानमन्त्री केपी शर्मा ओली आज इलाम र ताप्लेजुङ जाँदै हुनुहुन्छ । प्रधानमन्त्री ओली सशस्त्र प्रहरीको बीओपी निरीक्षण र स्वास्थ्य चौकी भवनको उद्घाटनका लागि इलाम र ताप्लेजुङ जाँदैहुनुहुन्छ । ताप्लेजुङको घुम्चामा निर्मित स्वास्थ्य चौकी भवनको उद्घाटन गरेर प्रधानमन्त्री ओली इलाम जानुहुनेछ । इलामको सन्दकपुरमा सशस्त्र प्रहरीको बीओपी निर्माण भएको कारण इलाममा पनि निरीक्षण गर्ने कार्यक्रम रहेको छ ।
प्रधानमन्त्रीसहित पर्यटनमन्त्री योगेश भट्टराई, संविधानसभा अध्यक्ष सुवाशचन्द्र नेम्बाङ, प्रदेश नं १ का मुख्यमन्त्री शेरधन राई पनि साथमै हुने नेपाल ट्रष्टका बोर्ड सदस्य तथा घुन्सा फाण्डेशनका अध्यक्ष योङ्जोम शेर्पाले जानकारी दिनुभयो ।
दोस्रो पटक मिर्गौला प्रत्यारोपण गरेपछि प्रधानमन्त्री ओली दोस्रो पटक उपत्यका बाहिरको कार्यक्रममा सहभागी हुन लाग्नुभएको हो । यसअघि कात्तिक २६ मा पनि बीओपीको निरीक्षणका लागि प्रधानमन्त्री ओली संखुवासभामा जानुभएको थियो ।
