काठमाडौं । पोखराबाट काठमाडौं आउँदै गरेको हेलिकोप्टर धादिङमा आपतकालीन अवतरण गरिएको छ ।
खराब मौसमका कारण कैलाश हेलिकप्टरको आकस्मिक अवतरण गरिएको धादिङ जिल्ला प्रहरी कार्यालयका एसपी गौतमकुमार केसीले जानकारी दिए ।
पोखराबाट बिरामी लिएर काठमाडौं आएको हेलिकप्टर खराब मौसमका कारण थाक्रे गाउँपालिका-५ मा आपतकालीन आवतरण गरेको हो । अहिले बाक्लो हुसु लागेकाले २०० मिटरभन्दा टाढा देखिने अवस्था नरहेको एसपी केसीले बताए ।
बिरामीलाई एम्बुलेन्समार्फत काठमाडौं पठाउने तयारी भइरहेको छ ।
