काठमाडौं । नेकपाका स्थायी कमिटी सदस्य चक्रपाणी खनाल ‘बलदेव’ लाई मातृशोक परेको छ । आइतवार राती ८ बजे खनालकी आमा मुमादेवी खनालको ९५ वर्षको उमेरमा काठमाडौंको नैकापमा निधन भएको हो ।
यसैबीच मुमादेवीको निधनप्रति नेकपाका अध्यक्ष पुष्पकमल दाहाल ‘प्रचण्ड’ले श्रद्धाञ्जली व्यक्त गरेका छन् । प्रचण्डले शोक सन्तप्त परिवार तथा आफन्तजनमा गहिरो समवेदना प्रकट समेत गरेका छन् ।
'हाम्रो पार्टीका स्थायी कमिटी सदस्य चक्रपाणी खनाल ‘बलदेव’ की ममतामयी आमा मुमादेबी खनालको ९५ वर्षको उमेरमा आइतवार राति ८ बजे काठमाडौंको नैकापमा निधन भएको खबरले हामीलाई दुखित् तुल्याएको छ । दिवंगत आमाप्रति भावपूर्ण श्रद्धाञ्जली अर्पण गर्दै शोक सन्तप्त परिवार तथा आफन्तजनमा गहिरो समवेदना प्रकट गर्दछु ।'
