काठमाडौं । कोरोना नियन्त्रण भन्दा बाहिर जान थाले पछि आपतकालका लागि टोकियो महानगर सहित ३ प्रिफेक्चरले गरेको आग्रहलाई स्वीकार गर्दै यसै हप्ता बाट आपतकाल घोषणा गर्ने तयारी भैरहेको प्रधानमन्त्री सुगाले बताएका छन् । बिहान ११ बजे (स्थानिय समय) पत्रकार सम्मेलन गर्दै प्रधानमन्त्री योसिहिदे सुगाले टोकियो सहित चिबा, साइतामा र खानागावा प्रिफेक्चरमा आपतकाल घोषणा गर्न लागिएको जानकारी दिएका हुन् । यस अघि टोकियो गभर्नर कोइके सहित ३ प्रिफेक्चरका प्रमुखहरुले आपतकाल घोषणाका लागि सरकार समक्ष आग्रह गरेका थिए ।
आपतकालको प्रकृति कस्तो हुने भन्ने बिषयमा विज्ञहरु संग छलफल चलिरहेको प्रधानमन्त्री सुगाले बताएका छन् । 'आपतकाल यस अघिको जस्तै हुने या अलि फरक खालको अभ्यास गर्ने भन्ने बिषयमा सम्बन्धित विज्ञहरु संग छलफल भैरहको छु सुगाले भनेका छन् 'अघिल्लो पटकका अनुभवहरुलाई समेत आधार मानि आपतकाल घोषणा हुनेछ ।' आपतकाल पहिलाको भन्दा खुकुलो हुने तर भोजनालय लगाएत मानिसहरुको भिडभाड हुने ठाउमा भने कडाइ गरिने संकेत प्रधानमन्त्री सुगाले गरेका छन् । 'भोजनालय लगाएतका ठाउमा केही कडाइ गर्दा होक्काइदो लगाएतका ठाउमा राम्रो रिजल्ट आएको छु उनले भनेका छन् ' भोजनालय संचालनको समय घटाउने या केही सिमितताहरु कायम गर्ने चाहिँ अवश्य हुन्छ ।' प्रधानमन्त्री सुगाले आज बिहान मात्रै आफुले आपतकाल घोषणा गर्ने तयारि गरिरहेको बारे आफ्नो दललाई जानकारी गराएका थिए ।
यस अघि देशै भर आपतकालको घोषणा गरिएको भए पनि अहिले टोकियो महानगर सहित टोकियो संगै जोडिएका ३ प्रिफेक्चरमा मात्रै आपतकाल घोषणा गर्न थलिएको हो । हाल सम्मको तथ्यांक अनुसार टोकियोमा ६१ हजार ८४२, खानागावा प्रिफेक्चरमा २२ हजार १५०, साइतामा प्रिफेक्चरमा १४ हजार ७५३ र चिबा प्रिफेक्चरमा ११ हजार ४६५ जनालाई कोरोना सक्रमण पुष्ठी भएको छ भने जापान भर कोरोना सक्रमितको संख्या २ लाख ४२ हजार नाघिसकेको छ।
