काठमाडौं । आईसीसी टी–ट्वेन्टी विश्वकपको पहिलो खेलमा नेपाल नेदरल्यान्डस्सँग ६ बिकेटले पराजित भयो । अमेरिकाको डालासस्थित ग्रान्ड पिएरे क्रिकेट स्टेडियममा भएको खेलमा नेपाल स्तब्ध भएको हो । तर मैदानमा नेपाली टोलीको जर्सी र राष्ट्रिय झण्डा बोकेर नेपालको पक्षमा हुटिङ गर्ने फ्यानले विश्वको ध्यान खिचेको छ ।
अमेरिकाको टेक्सासको डालासमा मात्र अहिले एक लाख हाराहारीमा नेपालीको बसोबास छ । अन्य राज्यबाट समेत नेपालको खेल हेर्न नेपाली मैदानमै पुगेका थिए । नेपालको हरेक बलमा फ्यानको हुटिङले संसारका क्रिकेट समर्थक र मिडियाको ध्यान तानेको हो ।
तस्बिरहरु : क्यान तथा विभिन्न सामाजिक सञ्जाल
