काठमाडौं । सर्बोच्च अदालतको संवैधानिक इजलासमा आजको प्रतिनिधिसभा विघटनविरूद्धको रिटमा सुनुवाई सकिएको छ । रिटमाथि बिहीबार फेरि सुनुवाइ हुनेछ भएको हो ।
प्रधानन्यायाधीश चोलेन्द्रशमशेर राणा न्यायाधीशहरु सपना प्रधान मल्ल, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसीको इजलासमा भइरहेको सुनुवाइमा बुधबार पनि रिट निवेदकतर्फका कानुन व्यवसायीहरू चन्द्रकान्त ज्ञवाली, कृष्णप्रसाद भण्डारी, अनिता मानन्धर, सुरेन्द्रविक्रम केसी, कञ्चनकृष्ण न्यौपाने, नवराज पाण्डे, झलकुमारी विश्वकर्माले बहस गरे ।
यसअघिको बहसमा कानुन व्यवसायीले ३ घण्टासम्म समय लिएपछि प्रधानन्यायाधीश चोलेन्द्रशमशेर राणाले बहसका लागि समय निर्धारण गरेका थिए । संवैधानिक इजलासमा बुधबारको सुनुवाइ सुरु भएपछि प्रधानन्यायाधीश राणाले ३० मिनेटमा बहस सक्न भनेका हुन् ।
