एजेन्सी । आईपीएल २०२४ को ४१ औँ खेलमा आज सनराइजर्स हैदरावादले रोयल च्यालेन्जर्स बैंग्लोरसँग खेल्दैछ । हैदरावादको राजीव गान्धी अन्तर्राष्ट्रिय रंगशालामा हुनलागेको खेल नेपाली समयअनुसार बेलुकाको ७:४५ बजेबाट सुरु हुनेछ ।
दुवै टोली यो सिजन दोस्रो पटक आमनेसामने हुँदैछन् । बेंगलुरुमा भएको अन्तिम खेलमा घरेलु टोली २५ रनले पराजित भएको थियो । यो खेलमा हैदरावादले आईपीएलको सबैभन्दा बढी स्कोर (२८७) बनाएको थियो।
यो हैदरावादको सिजनको आठौं खेल हुनेछ। ७ खेलमा ५ जित र २ हारसहित १० अंक जोडेको टोली अंक तालिकाको तेस्रो स्थानमा छ । अर्कोतर्फ, बैंगलोरुले आफ्नो नवौं खेल खेल्दैछ। टोलीले ८ मध्ये १ खेल मात्र जितेको छ भने ७ खेलमा हार बेहोरेको छ । आरसीबी २ अंकसहित तालिकाको पुछारमा १० औं स्थानमा छ ।
हेड टु हेडमा बेंगलुरुमाथि हैदरावादको हावी
हैदरावादले बेंगलुरुलाई हेड टु हेडमा हावी गरेको छ । यी दुई टोलीबीच हालसम्म आईपीएलमा कुल २४ वटा खेल भएका छन् । हैदरावादले १३ र बेंगलुरुले १० जित हात पारेको छ । जबकि एक खेलको नतिजा भने हुन सकेन ।
हैदरावादका ब्याट्सम्यानको उत्कृष्ट फर्म जारी, हेडले बनाए ३०० भन्दा बढी रन
सिजनको पहिलो खेलमा हैदरावाद कोलकातासँग पराजित भएको थियो । दोस्रो खेलमा मुम्बईलाई पराजित गरेको थियो । तेस्रो खेलमा पनि गुजरातसँग पराजित भएपनि त्यसपछि लगातार चेन्नई, पञ्जाब, बैंगलोर र दिल्ली गरि ४ खेल जितेको थियो ।
हैदरावादका ट्राभिस हेड, हेनरिक क्लासेन र अभिषेक शर्मा उत्कृष्ट लयमा छन् । तीनै जनाले २५० भन्दा बढी रन बनाएका छन् । हेड सर्वाधिक ३२४ रन बनाएका छन् । बलिङमा टी नटराजन १० विकेट लिएका छन् । कप्तान प्याट कमिन्सले ९ विकेट लिएका छन् ।
कोहली आरसीबी र लिग दुवैमा सर्वाधिक रन स्कोरर
बैंगलोरले सिजनका ७ खेलमा हार बेहोरेको छ । टोली चेन्नई, कोलकाता, लखनऊ, राजस्थान, मुम्बई, हैदरावाद र कोलकातासँग पराजित भएको थियो । टोलीले पन्जाबविरुद्धको एक खेल मात्र जितेको थियो ।
टोलीका पूर्व कप्तान विराट कोहली पनि यो सिजन आरसीबी र लिगका सर्वाधिक रन स्कोरर हुन्। अहिले कोहली मात्र ओरेन्ज क्याप भएका छन् । उनको नाममा ८ खेलमा ३ सय ७९ रन छन् । बलिङमा यश दयाल ७ विकेट लिएर शीर्ष स्थानमा छन् ।
सनराइजर्स हैदरावादको सम्भावित प्लेईङ ११:
प्याट कमिन्स (कप्तान), ट्राभिस हेड, अभिषेक शर्मा, एडेन मार्कराम, नितिश कुमार रेड्डी, हेनरिक क्लासेन (विकेटकीपर), अब्दुल समद, शाहबाज अहमद, भुवनेश्वर कुमार, टी नटराजन र मयंक मार्कंडे।
ईम्प्याक्ट प्लेयर: वाशिंगटन सुन्दर।
रोयल च्यालेन्जर्स बैंगलोरुको सम्भावित प्लेईङ ११:
फाफ डु प्लेसिस (कप्तान), विराट कोहली, विल ज्याक, रजत पाटीदार, क्यामरन ग्रीन, दिनेश कार्तिक (विकेटकिपर), महिपाल लोमरोर, कर्ण शर्मा, लोकी फर्गुसन, मोहम्मद सिराज र यश दयाल।
ईम्प्याक्ट प्लेयर: सुयश प्रभुदेसाई।
