काठमाडौँ । एसीसी प्रिमियर कपको सेमिफाइनलमा नेपालले आज यूएईसँग प्रतिस्पर्धा गर्दैछ ।
समूह ‘ए’को विजेता नेपाल र समूह ‘बी’को उपविजेता रहेको यूएईले पहिलो सेमिफाइनल खेल्न लागेका हुन् ।
खेल बिहान ११ः४५ मा सुरु हुनेछ । नेपाल समूह ‘ए’ मा अपराजित रहँदै समूह विजेता बनेको हो ।
यस्तै, सेमिफाइनलको दोस्रो भिडन्त आयोजक ओमान र हङकङ बिच हुँदैछ । ओमान समूह ‘बी’को विजेता टोली हो भने हङकङ समूह ‘ए’को उपविजेता हो । यो खेल अपरान्ह ४ः१५ बजे सुरु हुनेछ ।
प्रतियोगिताको फाइनल खेल वैशाख ९ गते हुनेछ । विजेता टोली सन् २०२५ को टी–२० एसिया कपका लागि छनोट हुनेछ ।
