काठमाडौँ । च्याम्पियन्स लिगको सेमिफाइनलमा स्थान बनाउने चारै टोलीको टुंगो लागेको छ । गएराति भएका दुई खेलको पनि नतिजा आएपछि सेमिफाइनल खेल्ने चार टोलीको टुंगो लागेको हो ।
फ्रेन्च क्लब पेरिस सेन्ट जर्मेन (पिएसजी), जर्मन क्लब बोरुसिया डर्टमण्ड, स्पेनिस क्लब रियल मड्रिड र जर्मन क्लब बायर्न म्युनिखले सेमिफाइनलमा स्थान बनाए ।
क्वाटरफाइनलमा पिएसजीले बार्सिलोनालाई ६–४ को एग्रिगेटमा, डर्टमण्डले एट्लेटिको मड्रिडलाई ५–४, रियल मड्रिडले म्यान्चेस्टर सिटीलाई पेनाल्टीमा ४–३ ले हराउँदै तथा बायर्नले आर्सनललाई ३–२ को एग्रिगेटमा पछि पार्दै सेमिफाइनलमा स्थान बनाएका हुन् ।
अब सेमिफाइनलमा पिएसजी र डर्टमण्ड तथा रियल र बायर्न भिड्नेछन् । सेमिफाइनलमा खेलहरु मे ७ मा हुनेछन् ।
