कोलकाताले लखनउविरुद्ध टस जितेर बलिङ रोज्यो

काठमाडौँ । इन्डियन प्रिमियर लिग (आईपीएल) २०२४ मा आज डबल हेडर (एक दिनमा २ खेल) हुँदैछन् । आजको पहिलो खेल कोलकाता नाइट राइडर्स (केकेआर) र लखनउ सुपर जायन्ट्स (एलएसजी)बीच हुँदैछ ।

यसैबीच, कोलकाताले टस जितेर पहिले बलिङ गर्ने निर्णय गरेको छ । खेल कोलकाताको इडेन गार्डेन स्टेडियममा दिउँसो ३ः४५ बजे सुरु हुनेछ । शमर जोसेफ लखनउबाट डेब्यु गर्दैछन् ।

आईपीएलमा हालसम्म कोलकाता नाइट राइडर्स र लखनउ सुपर जायन्ट्सबीच ३ खेल खेलिएका छन् । लखनउले सबै खेल जितेको छ । कोलकाताको घरेलु मैदानमा दुई टोलीबीच एउटा मात्र खेल भएको थियो । उक्त रोमाञ्चक खेलमा लखनउ १ रनले विजयी भएको थियो ।