काठमाडौँ । इंग्लिस प्रिमियर लिग फुटबलमा टोटेनहमले हार बेहोरेको छ । गएराति भएको खेलमा टोटेनहम न्युक्यासल युनाइटेडसँग ४-० गोलले पराजित भएको हो ।
घरेलु टोली न्युक्यासललाई फराकिलो जित दिलाउन अलेक्जान्डर इसाकले २ तथा एन्थोनी गोर्डन र फावियन सारले १ १ गोल गरे ।
यो नतिजासँगै टोटेनहम ३२ खेलबाट ६० अंकका साथ तालिकाको पाँचौं स्थानमा छ भने न्युक्यासल ५० अंकका साथ छैटौं स्थानमा छ ।
यसैबीच गएराति नै भएका अन्य खेलमा बर्नले र ब्राइटनले १-१ तथा नटिङहम फरेस्ट र वल्भ्सले २-२ गोलको बराबरी खेल्दै अंक बाँड्दा ब्रेन्टफोर्डले शेफिल्डलाई २-० गोलले पराजित गर्यो ।
