काठमाडौं । १६ औं पटक सगरमाथा आरोहणका लागि जान लागेका कीर्तिमानी आरोही फूर्बा शेर्पाले ’यो पटक एभरेष्ट समिटमा बुढानीलकण्ठ नगरपालिकाको झण्डा लैजाने भएका छन् ।
शेर्पाले यस पटकको आरोहणका क्रममा नगरपालिकाको झन्डै लैजाने प्रस्ताव गरेपछि नगरपालिकाले तत्कालै स्वीकार गरेको उपप्रमुख अनिता लामाले जानकारी दिइन् ।
नगरपालिकाका तर्फबाट नगरप्रमुख, उपप्रमुख, प्रमुख प्रशासकीय अधिकृत, लेखा महाशाखा प्रमुख सहित उनलाई राष्ट्रिय झण्डा, नगरपालिकाको लोगो झण्डा र बुढानीलकण्ठ मन्दिरको प्रतिमूर्ति हस्तान्तरण गरिएको छ ।
उनले आउने सिजनको सगरमाथा आरोहणमा नगरपालिकाको लोगो अंकित झण्डालाई फहराउनेछन् र बुढानीलकण्ठको प्रतिमूर्तिलाई सगरमाथाको चुचुरो पुर्याउनेछन् ।
फूर्वाले २२ वर्ष उमेरभित्र ९ पटक सफल सगरमाथा आरोहणसहित सपरिवार सगरमाथा आरोहण गरेको सहित ४ वटा कीर्तिमान कायम गरिसकेका छन् ।
