एजेन्सी । इन्डियन प्रिमियर लिग (आईपीएल) को १७ औं सिजनको १५ औँ खेलमा आज रोयल च्यालेन्जर्स बेंगलुरु (आरसीबी) ले लखनउ सुपरजायन्ट्स (एलएसजी) सँग खेल्दैछ । बेङ्लुरुको एम चिन्नास्वामी स्टेडियममा हुनलागेका खेल नेपाली समयअनुसार बेलुकाको ७:४५ बजेबाट सुरु हुनेछ ।
जारी सिजनमा आरसीबीले आज चौथो र एलएसजीले तेस्रो खेल खेल्न लागेको हो । आरसीबीले यसअघिको तीन खेलमा दुई खेलमा हार र एक खेलमा जित निकालेको छ भने एलएसजीले एक हार र एक जितेको छ । अंक तालिकामा लखनउ छैटौं र बेंगलुरु नौौं स्थानमा छ ।
बेंगलुरु र लखनउबिचको हेड-टु-हेड
आईपीएलमा बेंगलुरु र लखनउले हालसम्म ४ वटा खेल खेलेका छन् । जसमा बेंगलुरुले ३ र लखनउले एक खेल जितेको छ । एक विकेटले जितेको थियो।
विराट कोहली बेंगलुरुको लागि सर्वाधिक रन बनाउने खेलाडी हुन् । उनको नाममा ३ खेलमा २ अर्धशतकसहित १८१ रन छ । यस्तै, यश दयाल टोलीका सर्वाधिक विकेट लिने खेलाडी हुन् । उनले प्रत्येक खेलमा १–१ विकेट लिएका छन् ।
लखनउको लागि निकोलस पूरनले सर्वाधिक रन बनाएका छन् । पुरनले यो सिजन २ खेलमा ६४ र ४२ रनको इनिङ खेलेका छन् । यस्तै, मयंक यादवले सर्वाधिक विकेट लिएका छन् । उनको नाममा ३ विकेट छ ।
पिच रिपोर्ट
बैंगलोरको एम चिन्नास्वामी स्टेडियमको पिच ब्याट्सम्यानका लागि सहयोगीपूर्ण रहेको छ । यहाँ अहिलेसम्म आईपीएलका ९० खेल खेलिएका छन् । जसमा पहिले ब्याटिङ गरेको टोलीले ३७ खेल जितेको छ भने ४९ खेल पछ्याउने टोलीले जितेको छ । यहाँ ४ खेल निर्णायक रह्यो ।
मौसम अवस्था
मंगलबार बेंगलुरुमा पानी पर्ने सम्भावना छैन। खेलको दिनको तापक्रम २२ देखि ३६ डिग्री सेल्सियसको बीचमा रहनेछ।
रोयल च्यालेन्जर्स बेंगलुरुको सम्भावित प्लेईङ ११:
फाफ डु प्लेसिस (कप्तान), विराट कोहली, रजत पाटीदार, ग्लेन म्याक्सवेल, क्यामरन ग्रीन, दिनेश कार्तिक (विकेटकिपर), अनुज रावत, अल्जारी जोसेफरलकी फर्गुसन, मयंक डागर, यश दयाल र मोहम्मद सिराज।
इम्प्याक्ट प्लेयर: सुयश प्रभुदेसाई, विजयकुमार व्यास, कर्ण शर्मा।
लखनऊ सुपरजायन्ट्सको सम्भावित प्लेईङ ११:
निकोलस पूरन (कप्तान), क्विन्टन डी कक, देवदत्त पडिक्कल, दीपक हुडा, मार्कस स्टोइनिस, आयुष बडोनी, क्रुणाल पाण्ड्या, रवि बिश्नोई, मोहसिन खान, मयंक यादव र यश ठाकुर।
इम्प्याक्ट प्लेयर: केएल राहुल।
